www.volcreole.com Le forum de discussion des Dom-Tom ! Guadeloupe, Martinique, Guyane, Réunion St Pierre et Miquelon, Mayotte, Polynésie, Wallis et Futuna, ...
Sujet du message: Sa moun ékri an tan lontan. X Poézi kréyol
Auteur: Koutcha Date: 18 Nov 2003 22:17 Sujet du message: Sa moun ékri an tan lontan. X Poézi kréyol
Sa ka fè nanni nannan moun ka ékri an kréyol, mé nou pa ka touvé adan libréri sé teks-la ki sòti ni senkan, dizan, ventan, trantan...
E menm an bibliotek sa pé red pou trouvé yo.
Mi an poézi kont pou jòdijou, madi 18 novanm 2003.
Man kité teks-la menm manniè-a yo pibliyé'y lanné 1995
(menm lotograf, menm ti défo teknik -coquilles-)
Pran pié zot !
Antilla Kréyòl N° 15 - Juin 1995
Mariyodil Monwiz - Anba Lalin
I la ka gadé
kijan lalin fè
pou tounen alantou latè
Fè lanmè monté-désann
Fè chivé fanm grandi
Ba latè an koulè myèl.
I la ka gadé
I pòkò touvé
Kijan lalin pé fè
Pou nonm ka fè djab épi'y
Pou lougarou pé sa bay bal
Lè i garé niyaj
I pòkò touvé
I la ka gadé kijan lalin
Pé pann anlè a
Dépi nanni-nannan
ka rondi menm rondi a
San janmen sonjé bokanté plas
Epi solèy San janmen sonjé kité
latè
Bat mizè'y.
I la ka gadé
I pòkò touvé
Kijan, non mé di mwen kijan
kijan lalin pé kité tousa nonm
Fè makakri ba fanm
Anba klèté'y
San janmen i nòz di fanm an zorèy :
"Sa pa vré misyé ni sèt yich".
I pòkò touvé
I ja las gadé
Kijan lalin pé
ka kléré létè
koumandé lanmè
koumandé kò nonm
E kisasayésa
E koumannyè
I pòkò di kalté ras nonm-tala
I dèyè kon dé talon ?
I tan pou i fè an mouvman épi kò'y
Avan ti mòso latè a ki anba
plat-pyé'y la
pa chapé tonbé
Dan lanmen débouya pa péché ?
I ka gadé toupatou
Dan'y lablanni
kou-tala i touvé
Roulé jénès
Listwa pa ka atann
Mòlpi.
Sujet du message: Sa moun ékri an tan lontan. X Poézi kréyol
Langue locale: 
Sa moun ékri an tan lontan. X Poézi kréyol
