www.volcreole.com

[Koutcha]

Sa ka fè nanni nannan moun ka ékri an kréyol, mé nou pa ka touvé adan libréri sé tesk-la ki sòti ni dizan , ventan, trantan...
E menm an bibliotek sa pé red pou trouvé yo.
Man kité tesk-la épi menm lotograf Fanotte Fanon té pibliyé'y adan Antilla-Kréyòl.
Siroté'y !


Fanotte Fanon - Ti Zwézo
Antilla-Kréyòl N° 14 Janvier 1990

Ti zwézo ka volé,
Di mwen sa'w ka pòté ?
Ou sé mésajé
Mésaj ou sé lapé.

Isi-a lavi-a pa changé :
Ni sa ki ka trimé,
Ni sa ka djoumbaté,
Dépi solèy lévé
Jik atan i kouché
Ni sa ki ka pléré,
Ni sa ki maléré,
Ni sa ki esplwaté,
Ek sa ka profité.

Di mwen tousa pé ké charyé ?
Mwen sé ti swézo lapé
MWen pa vini pòté
Pou sa ki ja sové
Pou sa ki ékléré
Pou sa ki désidé.
Mé pou lé maléré
Sé ta-a ka rélé
Sa ki ja éploré
Pas an jou ké rivé
Otila gran van ké lévé
Lanmè ké démonté
La montagn képété
Ek nèg ké lévé
Pou di lé mond antyé
Nèg ni dwa a respé
Nèg ni dwa a lapé.
Alòs, yo ké kriyé anmwé
Ké ni an ouélélé
Ké ni an bankoulélé
Yo tout ké révolté

Alòs... Mwen ké pozé

[Koutcha]

Fanotte Fanon - O'y mwen
Antilla-Kréyòl N°14 janvier 1990.

Yo koupé tèt pyé (...) mwen
Yo raché pyé kann mwen
Pou yo mété mwen ka mò fen
Pou mwen kon flè ka fennen.
Mwen pa ni pyès desten
Mwen vini kon yenyen.
Pa ka touvé chimen mwen.

Lavi-a fèt pousa ki ka genyen
Ek ki ni gwo moyen
ka ni gwo bouden.
Pousa ki, kon dé ti klendenden
Padan tout la jounen
Ka benyen dans richès, èk mwen.
Mwen la ka goumen
Pou zòt konpwann enfen
Ki lavi té ké byen.
Si janmen,
An bonmaten,
Nou tout té maré ren,
Pou pèsonn pa marengwen
Pa trété kon chyen
Pa alé vivi lwen.
Alòs yo pas té ké kon maren
Ka kouté lanmmanten
Ek ka chèché konpwann, men...
Ki pa adan...
Ayen.

[al]

merci pour sz texte moi qui essai d apprendre le creole, cela me sert d exercice

[Koutcha]

Li tesk ki ni fraz kout sé méyè manniè pou aprann li kréyol.

Man ka menm konséyé'w séléksioné teks-la, kopié'y-colé adan Wordpad -démarrer->accessoire->Wordpad- oben Word oben nenpòt ki "Traitement de texte" é enprimé'y épi polis-la ou lé, mé épi an tay (grandè) 14.
Si ou ka rété anlè entènet ni an fonksion grandi teks-la adan navigatè ou a :
IE 5 o 6. Affichage->Taille du texte-> Plus grande.

Konsa ou ké pé li teks-tal san pété zié'w.

Pou trouvé teks épi fraz kout ou pé alé pa koté www.apapawolanle.com.
Paj lyannaj-la ka menen'w asou sit ka palé ki kréyol é ka aprann nou yonndé rel otograf kre
yol.
Ni mil tesk.

[Koutcha]

Fanotte Fanon - Mwen té ké lé...
Antilla-Kréyòl N°14 Janvier 1990.

Ou apwan mwen palé lanng mwen,
Ou apwann viv kilti kréyòl mwen,
Lanng kréyòl bway papa mwen,
Lanng kréyòl zanzet di zanset mwen.
Pèsonn pa lé apwann mwen
Lanng kréyòl mwen yan
Pèsonn pa sa menm djè palé ankò !

Manman, ou lé mwen di'w kéchoy ?..
Kouté sa mwen ka wichichi ba'w.
Mwen pwan kouraj jòdi pou mwen té sa palé ba'w.
Pou mwen té wouvè lésans tchè mwen ba'w.
Kouté ! èk konpwann si ou pé konpwann.
Lè ou wè mwen asiz douvan tab mwen
Pou katjilé asou travay lékol-la,
Mwen ka sonjé métrès lékòl la dé zyé mwen gran wouvè
Mannyè i ka vlopé mwen primyé jou lakòl la
Mannyè i abiyé ganmé kon an chik chyen,
Mwen ka wey ka palé kréyol ba mwen,
Mwen ka anvi réisi
Mwen ka santi mwen ka viv.
Mwen ka santi mwen fò,
Mwen ka konpwann tout bagay.
Mé lè ou wè mwen wouvè dé (...) mwen
Asou liv lespwi-nanm-fwansé a ki douvan mwen
Alòs,... mwen ka anvi pléré, kriyé, jouré, ...
Oui manman jouré !...
Mwen sé lé mò...
Davwè yo ka apwann mwen palé tout lanng :
Fwansé, Anglé, Panyol, Laten, dépi la tit atyèlman.
Ek menm wou manman pa ka konpwann
Ya ka dékalbiché tèt mwen.
Pas mwen ka migannen Fwansé èk Kréyòl
É magré mwen ka goumen touléjou
An goumen ou pa ka sipozé...
Sa vré manman, mwen anvi fè'w plézi
Sa pousa mwen ka mandé'w
Sé pousa mwen ka priyé an ti priyè :
Apwann mwen palé lanng Kréyòl mwen.
Apwann mwen dansé as ou kadans sé mo
kréyòl la
Apwann mwen respiré kilti Kréyòl manman
Souplé !...
Pyé bwa planté dan woch pa ka pousé !
Pyé bwa ki pa ni souch pa ka pwofité !...

Souplé !...