www.volcreole.com

[Koutcha]

Sa ka fè nanni nannan moun ka ékri an kréyol, mé nou pa ka touvé adan libréri sé teks-la ki sòti ni senkan, dizan, ventan, trantan...
E menm an bibliotek sa pé red pou trouvé yo.

Mi an kont Laguadloup jòdijou, vandrèdi 26 désanm 2003.

Man kité teks-la menm manniè-a yo pibliyé'y lanné 1995.
(menm présantasion, menm lotograf, menm ti défo teknik -coquilles-)
Tansion tesk-tala pa lib. I ni an met...
Aprésyé'y !

Wonm an chapo

An tan yo té ka vann wonm an détay, pa chopin é woki adan ti boutik,
Misyé Jan Bonsalé voyé timoun a-y, Janpyè, achté on chopin wonm ba-y...
Pannan i té ka woutouné, ka kouri dèyè woulèt a-y, Janpyè glinsé adan on labou,
i tonbé «plaf» é boutèy wonm-la kasé.
- Woy !... Mi bab pou mwen !... Papa pa kay pwan sa an men an mwen...
Fo mwen débouyé mwen pou pòté wonm a-y ba'y onfwa pou onfwa,
sinon i ké ban mwen on ben èvè modi senti a-y la...
Toupannan i ka kalkilé konsa an tèt a-y, i viré an boutik-la.
- Vin vann !... Madanm souplè, ou pa ni on boutèy pwété mwen
pou mété wonm a papa ?
- A non pitit. An pa ni pon boutèy vid konyéla.
- Poooo !... An mélé !... Bon ! An bizwen pòté wonm a papa pou i
pé pwan on ti-sèk avan manjé. Ou ké vidé'y ban mwen an chapo an mwen.
Madam-la di :
- Hen ?... Ou ké mété wonm-la adan chapo a-w ?... Men ou fou, gason !
- Ménon ! Pa okipé'w. Vidé wonm-la ban mwen souplè !
Lè madanm-la vwè sé poubon Janpyè té vlé wonm-la an chapo a-y, i
vidé'y adan ba'y. Men konm sé té on ti chapo, i pa pwan tout.
- Ola ou ka mèt rèstan ?
Janpyè pa rété kalkilé ayen, i yenki chalviré chapo-la :
- Mété rèstan pa la ban mwen !
Pa bizwen di, tout wonm tonbé ! Misyé pati alakous. Rivé aka papa-y,
i lonji-y chapo-Ia :
- Mi wonm a-w, papa !
- Kouman ? Sé la ou vidé wonm-Ia ?.. E dayè sé yenni sa i ni alòs ?
Oti rèstan ?
Tiboug-la déchalviré chapo a-y é i di :
- Mi rèstan, papa !
(An ka lésé zòt imajiné sa ki pasé apwé...)

Jo Clémence, Sé timoun-la annou jwé, Les Éditions La Bruyère, 1995

[Queen of the bee]

J'ai beau reflechir je vois pas, heu dans sa bouche?? la suite la suite...

[Koutcha]

Pa ni swit. Tout la. Man ka pansé yo bay an volé.
I té lé fè servo anlè papa'y. Grannom-la fè'y tann ek konprann.

[Queen of the bee]

et bien merci koutcha, j'ai apprécié..

[Koutcha]

Il y a 2 jours je crois j'ai mis un autre conte de cet auteur tiré du même livre épuisé chez l'éditeur et qui ne le réeditera pas.

[AngelSword]

[Koutcha]

Zot ka chèché an swit mé pa ni.
Man rikopié tesk-la menm manniè-a i té yé.

Zot ka chèché an bagay pou li.
Mi an ti jé pou fè lespri travay, pou lé piti é lé gran.

Jeu 27 : Kilès i pa té dwèt la ?

Mi enpé fwi : Gouyav, Zoranj, Mango, Mélon, Sapoti, é kowosòl. Ni yonn i ka déparéyé lézòt... Kilès ?

Jo Clémence, Sé timoun-la annou jwé, Les editions La Bruyère, 1995.

[Queen of the bee]

heu...

[Koutcha]

An ti pal :

Tout fwi ni nannan...

[Queen of the bee]

Le mango!!

[Koutcha]

Sé bien sa. Mango ni an sel grenn.

Demen ké ni an lot piti.
Alè-la fok man ay dòmi.

[Queen of the bee]

[Sonayh]

sé vré ni lontan moun ka ékri en kréyol ni ki publié ni ki pa réédité é sa maléré. si pa ni on lo sé ke sé kont la té di (nou ni an tradisyon oral) yo pa té ekri.
mé a présan ni an lo moun ka goumin pou moun li, ekri ek comprann kreyol la (capes kréyol, GEREC campis scholcher...).
Pres tout bibliotek ni an "fonds local" koté ou pé trouvé kont kon ta la. jis ni liv bilingue, dictionè , gramè...
En ka di sa pass en ka travail a dan yon

P.s. : an fè sa mwen té pé pou matché kréyol la... pa ri mwen !!!!

[Koutcha]

Ou matjé kon ou té pé, kon ou sa matjé'y sé sa ka ki pòtalan.
Kité moun ri ri yo, Roi moun pa janmen pòté moun douvan.

Bon man ka itlizé Lotograf GEREC-F system 2 pou matjé tousa ma ké mété anlè forum-la jòdi 27 désanm 2003.
Bon an ti jé pou fè lespri zot travay.
Man té di zot sa té ké oswè-a.
Mé man ké koumansé avan.

Fanmiy Toto.

Manman Toto ni twa gason. Tik, Tak ék ?

[Koutcha]

Répons Toto

Nou ka kontinyé sé tim-tim la isia.

Mi an piti.

Pasé ora bwa, ou ké vwè mwen.
Rantré an gran bwa, ou ké vwè mwen.
Monté si pyébwa, ou ké vwè mwen.
Toupatou i ni bwa planté, ou ka vwè mwen.
An toujou la bwa yé, é poutan, an ka fè lantou a bwa men an pa'a jen rantré andidan bwa.
Aki mwen ?...